Опис

ЈУНАКОТ ОД МЕЧКИН КАМЕН е третиот наслов од Едицијата “Револуционери”, со текст на Никола Темков и овојпат со илустрации од Диме Иванов - Димано. Тоа е сликовница во која на интересен начин е опишан животот на еден од нашите најистакнати војводи и директен учесник во Илинденското востание, Питу Гули. Ќе го запознаете Питу преку приказните за неговото детство, семен живот, но особено за неговото учество во Илинденското востание и битката на Мечкин Камен. На десетина илустрации и исто толку страници текст, покрај Питу Гули во сликовницата ќе се појават и низа познати историски личности од тој период, како Никола Карев, Даме Груев итн.